Гадныхны нүд унагасан хөөрөг

Говь-Алтай аймгийн Дэлгэр сумын уугуул, аймгийн Алдарт уяач “Мандал Алтай” группийн Ерөнхийлөгч С.Балдандоржийн нүнжиг илтгэсэн нандин хөөрөгийг үнэ хаяж авах хүсэлтэй хүмүүс олон байдаг гэнэ. Тэр байтугай хилийн чанадаас хүртэл утас цохьж, алтан нуухтай, шүрэн толгойтой сайн сайхны бэлгэдэлт дүрс бүхий энэхүү хөөргийг авах хүсэлтээ илгээдэг ажээ. Ер нь Балдандорж эрхэм сайхан хөөрөг, хурдан моринд нүдтэй нэгэн. Тэрээр хурдан морины уяа сойлго тааруулаад багагүй хугацааг үдэж буй Алдарт анх 2003 онд их уяач Галын нэрэмжит Боржигон 2003 уралдаанд ухаа даагаа айргийн гурваар хурдлуулан, тэр жилээ Ардын хувьсгалын 82 жилийн ойн баяр наадамд дахин айрагдуулж томоохон наадмын өм нээгдэж байлаа. Түүнийг морины хорхойтнууд төрийн наадмын түрүү хонгор болон Алтан үст ухаагаар нь анддаггүй юм.

А.Дөл