Ц.Хүдэрчулуун мэргэний холын шавь

МУ-ын Гарамгай мэргэн Ц.Хүдэрчулууний гарын шавь нарын дотор арлын орны хоёр ч харваач бий гэнэ. Үүний нэг нь Японы “Жайка”-гийн сайн дурын ахмад ажилтан  Саката Хиромичи юм.  Японы үндэсний уламжлалт харваа kyudo-гийн спортын мастер цолтой тэрээр монгол үндэсний сурын харваагаар хичээллээд хоёр жил болж байгаа ажээ. Энэ хугацаанд чамлахааргүй амжилт гаргасан бөгөөд  “сур харвааны үндэс суурь Монгол харваа байдаг юм. Тиймдээ ч  монгол харваагаар хичээллэх болсон” тухайгаа сонирхуулна билээ. Шинэ оны дараахан нутгийн зүг хүлгийн жолоо залсан Япон харваач Ц.Хүдэрчулуун мэргэнд  Япон харвааг монголд хөгжүүлэх даалгаврыг өгөөд буцжээ.

П.Ундраа