“Дүнжингаравын хурд-2015” уралдааны уламжлалт хишгээ хүртээв

Хонин жилийн өнгө тольдох “Дүнжингаравын хурд-2015” хаврын бүсийн уралдааны үеэр гурван иргэнд өргөө цагаан гэр бэлэглэн, хишиг хүртээлээ. ММСУХ Засгийн газрын тогтоолт бүсийн болон шигшмэл морьдын “Их хурд” уралдааны үеэр хишиг түгээдэг уламжлал тогтоод багагүй хугацаа өнгөрч буй. Энэ удаа  Төв аймгийн Зуунмод сумын  хоёрдугаар багийн иргэн Гэлэнхүүгийн Азжаргал, Улаанбаатар хотын Сонгинохайрхан дүүргийн 6-р хорооны иргэн Лхагвасүрэнгийн Өлзийцэцэг, Төв аймгийн Аргалант сумын Хөшөөт багийн малчин Долгорсүрэнгийн Ганбүргэд нарт таван ханатай иж бүрэн гэр бэлэглэсэн юм. Дашрамд сонирхуулахад, ММСУХ-ны нийгмийн хариуцлагын хүрээн дэх энэхүү аяны шугамаар 30 гаруй иргэнд гэр бэлэглээд байгаа юм.
У.Энхмаа