Эрлийз дунд насны ангилалд 109 үрээ бүртгүүлжээ

АХ-ын 94 жилийн ой, төрийн их баяр цэнгэл наадмын хурдан морьдын уралдаан дөрөв дэх өдрөө үргэлжилж байна. Эрлийз дунд насны ангилалд 107 үрээ бүртгүүлснээс:
Говь-Алтай аймгийн Шарга сумын уугуул, МУ-ын Тод манлай уяач Хадбаасангийн Бат-Эрдэнийн сартай хээр /улс, бүсийн наадмын гурван түрүү/ 8, Говь-Алтай аймгийн Баян-Уул сумын уугуул, аймгийн Алдарт уяач Мижидийн Ганболдын хар алаг /бүсийн уралдааны нэг түрүү/ 67, Төв аймгийн Баянцогт сумын уугуул, Цэрэндоржийн Пүрэвийн хүрэн /бүсийн наадмын нэг түрүү/ 188, Ховд аймгийн Дарви сумын уугуул Лувсангийн Халтарын зээрд халзан /бүсийн хоёр айраг/ 358, хээр /бүсийн наадмын хоёр айраг/ 375, Архангай аймгийн Жаргалант сумын уугуул, Агийнванчигийн Батбилэгийн хээр /бүсийн наадмын нэг түрүү, аймгийн наадмын нэг түрүү/ 376, Ховд аймгийн Цэцэг сумын уугуул, МУ-ын Алдарт уяач Рагчаагийн Баатархүүгийн хүрэн /бүсийн наадмын нэг түрүү, хоёр айраг/493, Төв аймгийн Сэргэлэн сумын уугуул МУ-ын Манлай уяач Ононгийн Батбилэгийн Үзмэн бор /улсын наадмын хоёр айраг, бүсийн нэг айраг/ 519, Архангай аймгийн Тамир сумын уугуул Даваасамбуугийн Мөнхсайханы хээр /улсын наадмын таван айраг, бүсийн наадмын гурван айраг/ 526, Төв аймгийн Жаргалант сумын уугуул Баттөмөрийн Ганбаатарын сартай хээр /бүсийн наадмын нэг айраг/ 540, Завхан аймгийн Яруу сумын уугуул Дашзэвэгийн Дагвадоржийн бор /улсын наадмын нэг түрүү, бүсийн нэг түрүү/ 553, Увс аймгийн Улаангом сумын уугуул Лувсаннямын Гантөмөрийн хээр /бүсийн нэг айраг/ 792, Говь-Алтай аймгийн Шарга сумын МУ-ын Тод манлай уяач Хадбаасангийн Бат-Эрдэнийн хар /улсын наадмын нэг түрүү, нэг айраг/ 888, Сүхбаатар аймгийн Баяндэлгэр сумын МУ-ын Алдарт уяач Бат-Очирын Цэрэнбалтавын хул /улсын наадмын нэг түрүү, бүсийн нэг айраг/ 1000 дугаартай тус тус мордлоо.
Б.Эрдэнэсүрэн