ММСЗУХ-ны Ерөнхийлөгч Д.Гантулга Өмнөговь аймагт ажиллалаа

Улсын Их Хурлын гишүүн, ММСЗУХ-ны Ерөнхийлөгч Д.Гантулга “Залуу малчдаа дэмжих аян”-ы хүрээнд Өмнөговь аймгийн Даланзадгад хотод ажиллалаа.
Аяны хүрээнд төрийн албанд ажилладаг 70 гаруй ажилчидтай уулзалт, ярилцлага өрнүүлж Менежерээс Манлайлагчруу сэдэвт илтгэл тавьлаа.
Аймгийн ЕБ-ын сургуулиудын ахлах ангийн сурагчдад ”Мэргэжлээ хэрхэн сонгох вэ” сэдэвт уулзалт ярилцлага хийлээ.
Мөн Монголын морин спорт залуу уяачдын холбооны Өмнөговь аймаг дахь салбарын анхдугаар чуулган 02 сарын 11-ний өдөр амжилттай зохион байгуулагдлаа. Уг чуулганы нээлтэнд УИХ-ын гишүүн, ММСЗУХ-ны Ерөнхийлөгч Д.Гантулга, УИХ-ын гишүүн Говийн хүү сангийн тэргүүн Н.Энхболд, Засаг даргын орлогч С.Мөнхбаяр, ЗДТГ-ын дарга Ө.Мөнхбаяр нар оролцож мэндчилгээ дэвшүүлж цаашид хамтарч ажиллахаа илэрхийллээ.
ММСЗУХ-ны Өмнөговь аймаг дахь салбарын тэргүүнээр Засаг даргын орлогч С.Мөнхбаяр сонгогдож, тэргүүлэгч гишүүдийг 17 хүнээр баталлаа. Өмнөговь аймагт ажилласан “Залуу малчдаа дэмжих аян”-ы нэг онцлог нь УИХ-ын гишүүн, ММСЗУХ-ны Ерөнхийлөгч Д.Гантулга, УИХ-ын гишүүн, Говийн хүү сангийн тэргүүн Н.Энхболд нар Өмнөговь аймгийн 15 суманд хурдан удмын даага гардуулсан нь бусад аймгаас ялгарч байлаа.

ММСЗУХ-ны ажлын алба